English Grammar

                                    Yogyata Aur Vyavasay Ka Chunav   

   Pratyek manushya ke liye kisi-n-kisi vyavasay, rojgar athawa peshe ki awashyakata hai aur apane buddhimattapurvak vyavasay chunane me hi manushyajeevan ka safal hona avalambit hai. Aise bahut hi thode, hajaro me aise manushya honge jinhe jeevannirvah ke liye kuchh udyog nahi krna padta. Arthat jinke pas aawashyakta se  bahut hi adhik sampatti hoti hai parantu aise manushyo ko udarpurti ke liye bhale hi kasht na uthna pade, parantu apane jeevan ko sukhamay banane ke liye tatha use aalashya se bachane ke liye, ichchha na hone par bhi kuchh kam karna hi padata hai. Tatpary yah hai ki manushyajeevan kam karne ke liye hi banaya gaya hai aur dhanwan tatha dhanhin koi bhi manushya isase bach nahi sakata.
     Yadyapi is baat ki satyata nirvivad siddhh hai ki pratyek manush ko kuch-n-kuch vyavasay ya kary karna hi padega, tathapi bahut se yuvako ko is bat se darr aur ghrina hoti hai. Ve apane mata-pita ka pind nahi chhodna chahate aur roti ke prashn ko svayam hal karna beijatti samjhate hai. Parantu unhe bhi kabhi-na-kabhi, jaldi athawa deri se, kuchh karyarambh karna hi padta hai. Isliye pratyek yuvak ka, jo sansar me pravesh karke vijay kamana rakhata ho, yah kartavy  hai ki vah shighra hi is bat ka nishchay kar le ki vah apani sari shaktiyo ko kis kam me lagayega. Anishchit awashtha me rahakar vilam karne aur vyarth samay khone se kuchh  labh na hoga.

     Bahut-se-manushya sukh ka arth nahi samjhate. Ve kary ke abhav arthat aalashya ke sath samay bitane ko sukh ka sadhan samajhte hai. Ye badi bhari bhul hai. Kaha jata hai ki udyograhit aur karyahin manushyo ka man shaitan ka niwasasthan hota hai. Bharatavarsh k eek bade adhikari ko yah aagya mili ki ‘ab tumhare naukari ke din pure ho gaye. Tumne imandari se kam kiya, isake upalakshya me tumhe penshan mila karegi.’ Jab use yah aagya mili tab wah bahut hi khush hua. Khushi is bat ki thi ki use ab kam nahi karna padega aur maje me din katane ka awasar mila karega. Usane khushi ke aavesh me apane ek mitra ko yah likh bheja, ‘ab maine dinbhar ke jhanjhato se chhutti pai. Din-rat kam karane se ji ub gaya tha. Ab mujhe das guni tankhwab mile to bhi mai kam nahi karunga.” 2-4-8 din bit jane par jab wah bathe-baithe tang aane laga aur jab usane dekha ki kam kiye bina aalashyapurn jivan bada hi dukhamayi hota hai, tab usane us mitra ko shok ke sath likha, “Bhai! Mai samajhata tha ki kam na karane me aanad hai, parantu bat bilkul ulti hai. Ab mujhe saf-safmalum ho raha hai ki mera purv jeevan bahut hi uttam aur sukhapurn tha. Jitana hi adhik kam karna padata tha, utana hi adhik shukh milata that.”  Saransh yah hai ki hath par dharakar baithe rahana manushya deh-dhrma ke viruddh hai. Manushya ka ma panachakki ke saman hai. Jab usame gehu dalate jaoge tab vah gehu ko pisakar aata bana degi. Parntu jab usame gehu na daloge tab vah swayam apane-aapko pisakar ksheen bana dalegi.
      Jab yah nirvad siddh hai ki kam na karna athawa aalasypurn jeevan bita dena dehadharma ke virudh hai, Tab humara yahi kartabya hai ki kuchh-na-kuchh achcha vyavasay pasand kare. Yah vyavasay humare mann, ichchha, karyashakti aur swabhav ke anukul hona chahiye. Swabhavik prakriti ke pratikul vyavasay karne me saphalta kabhi ho nahi sakti. Manushya- Jeevan ke asaphal hone ke do mukhya karan hai-Pahala yah ki vah kabhi-kabhi apani swabhavik kary-shakti ke viruddh karya me lag jata hai. Dusara karan yah  hai ki Manushya vyavasay -kushal huye bina hi apane karyo ko shuru kr deta hai, Parantu jab tak karyakushalta aur kamchalau anubhav na ho jaye tab tak kam shuru na karna chahiye. Ya sach hai ki anubhav aur kushalata janld nahiaati, parantu inhe drishti ke bahar jane nahi dena chahiye.

             Upar kaha ja chuka hai ki jeevan-sangram me manushya amuk do karano se aakritakarya hota hai, parantu humare bharatvarsh me ek aur tisara karan dekha jata hai. Is desh ke padhe-likhe shikshit log mansik aur maukhik karya karna adhik pasand karte hain. Logo me sharirik vyavasayo se ek prakar ki ghrina utpann ho gayi hai. Aise anek udaharan dekhne ko milte hai. Ek manushya 8 Rupay mahavar pr myunicipale nake ka munshi banakar kan me kalam daba rakhne me apane jeevan ki sathakata rakhte samajhata hai, Parantu anya sharirik karya karke adhik dravy paida karne me use lajja malum hoti hai. Bharatvarsh me babu Sahibi ki bimari dino-din badh rahi hai aur shauk ke sath kahana padata hai ki yadi kisi ne is marj ki dawa shighra n nikali to yah yah bimari adhya ho jayegi. Smaran rahe ki sharirik kshram karne se aur apni armendriyo ko kisi upyogi karya me laga dene se hi shikshit samaj apne desh ke liye aadarsh ho sakta hai. Viddhyarthiyo ko uchit hai ki ve is bat pr dhyan de aur sharirik kshram se ghruna na kare.
      Jab hum apani ruchi aur pravriti ke anusar koi vyavasay chun lete hai, tab fir hume usame hajaro badhao ke hone par bhi lage rahana chahiye. Bahudha yuvavashtha me kuchh kast, udasinata athawa akritkaryata hone se yuvakagan hatash hokar apane ichchhit vyavasay ko yah samajh kar chhod dete hai,  ki kadachit ve kisi dusare vyavasay me lag jane se  adhik safalibhut honge, Parantu Yah badi bhul hai.